یوکرین تنازع پر پیشرفت صرف ٹرمپ اور پیوٹن کی ملاقات سے ہی ممکن ہے: امریکہ

امریکہ نے کہا ہے کہ یوکرین تنازع پر پیش صرف ٹرمپ اور پیوٹن کی ملاقات سے ہی ممکن ہے۔

امریکی وزیر خارجہ مارکو روبیو نے ایک انٹرویو کے دوران کہا کہ صدر ٹرمپ نے اس ملاقات کی خواہش بھی ظاہر کی ہے۔

انہوں نے کہاکہ ہم ایک خونی، مہنگی اور تباہ کن جنگ کو ختم کرنا چاہتے ہیں اس لئے ہمیں تھوڑا صبر درکار ہے۔

ماکو روبیو نے اس بات پر بھی زور دیا کہ دنیا میں اور بھی کئی سنگین معاملات موجود ہیں، ہمارے پاس وقت بہت کم ہے، ہمیں دنیا کے دیگر اہم مسائل کی طرف بھی توجہ دینی ہے۔

واضح رہے کہ جمعہ کو استنبول میں روس اور یوکرین نے تقریباً تین سال بعد پہلی بار براہ راست مذاکرات کئے تھے، یہ پیش رفت یوکرینی صدر زیلنسکی کی جانب سے روسی صدر کو براہ راست ملاقات کی پیشکش کے بعد ہوئی تھی۔