ترکیہ کے صدر رجب طیب ایردوان نے انقرہ میں روسی وزیرخارجہ سرگئی لاروف سے ملاقات کی۔
ایردوان کا کہنا تھا کہ وہ روس اور یوکرین کے درمیان تنازع کے خاتمے کے لیے امریکی صدر ڈونلڈ ٹرمپ کے اقدام کی حمایت کرتے ہیں۔
ان کا مزید کہنا تھا کہ ہم اصولی طور پر بات چیت کے ذریعے جنگ کے خاتمے کی خواہش کا احترام کرتے ہیں۔
انھوں نے کہا کہ یوکرین کو امن بات چیت میں لازمی طور پر شامل ہونا چاہیے۔ اگر نئے عمل سے نتائج حاصل کرنے ہیں تو یوکرین کو یقینی طور پر اس عمل میں شامل کیا جانا چاہیے اور اس جنگ کو باہمی مذاکرات کے ذریعے ختم کیا جانا چاہیے۔
وزیر خارجہ سرگئی لاوروف نے اپنے ترک ہم منصب حقان فیدان کے ساتھ ایک پریس کانفرنس میں کہا، “لیکن ہم لڑائی کو صرف اسی صورت میں روکیں گے جب مذاکرات کا نتیجہ ایک مضبوط اور پائیدار شکل میں نکلے جو روسی فیڈریشن کے لیے موزوں ہو۔”
لاوروف نے کہا کہ روس یوکرین کے تنازع کو امریکہ کے ساتھ حل کرنے کی کوشش کررہا ہے جب کہ یورپ چاہتا ہے کہ جنگ جاری ہے۔
لاوروف نے امریکہ سے یہ مطالبہ بھی کیا کہ وہ روس کے ساتھ مستقبل میں امن مذاکرات کے لیے ایک نمائندہ مقرر کرے ۔
