آئرلینڈ کا فلسطین کو ریاست تسلیم کرنے کا عندیہ

آئر لینڈ کے نئے وزیراعظم سائمن ہیرس نے فلسطین کو تسلیم کرنے کا عندیہ دے دیا ۔

وزیراعظم سائمن ہیرس نے آئر لینڈ کے شہر گیلوے میں ایک تقریب سے خطاب کے دوران اسرائیلی وزیراعظم نیتن یاہو کو مخاطب کرتے ہوئے کہا آئرش عوام آپ کے اقدامات سے بیزار ہوگئے ہیں۔

انہوں نے کہا نیتن یاہو غزہ میں جنگ بندی کریں اور امداد جانے دیں۔

سائمن ہیرس کا کہنا تھا کہ ہمیں اسرائیل اور فلسطین دو الگ الگ ریاستوں کی ضرورت ہے، آئر لینڈ فلسطین کو ریاست تسلیم کرنے کے لیے تیار ہے۔