آرمینیا اور آذربائیجان کے درمیان تعلقات میں بہتری کا معاہدہ طے پاگیا ہے۔دونوں ممالک نے جنگ روکنے کے معاہدے پر اتفاق کرلیا ہے
آرمینیا اور آذربائیجان نے ایک مشترکہ بیان میں کہا ہے کہ وہ جنگی قیدیوں کی رہائی کے ذریعے اعتماد سازی کے اقدامات کرنے کے حوالے سے ایک معاہدے پر پہنچ گئے ہیں۔
آرمینیا اور جمہوریہ آذربائیجان کا کہنا ہے کہ وہ تعلقات کو معمول پر لانے کی طرف بڑھیں گے اور ایک پہلے قدم میں وہ ان لوگوں کا تبادلہ کریں گے جو ناگورنو کاراباخ میں حالیہ جنگ کے دوران پکڑے گئے تھے۔باکو نے 32 آرمینیائی فوجیوں کو جبکہ یریوان نے “خیر سگالی کے اشارے” کے طور پر دو فوجیوں کو رہا کیا ہے
ایسا پہلی بار ہوا ہے کہ دونوں ملک بغیر کسی ثالث کے براہ راست بات چیت پر متفق ہوئے ہیں ۔
دوسری جانب اقوام متحدہ نے آرمینیا اور آذربائیجان کے درمیان تعلقات بہتر بنانے کے معاہدے کا خیر مقدم کیا ہے۔
اقوام متحدہ کے سیکرٹری جنرل نے کہا کہ سیکرٹری جنرل آرمینیا اور آذربائیجان کی طرف سے جاری کردہ مشترکہ بیان کا خیرمقدم کرتے ہیں جس میں اعتماد سازی کے کئی اقدامات کا اعلان کیا گیا ہے اور دوطرفہ تعلقات کو معمول پر لانے کے اپنے عزم کا اعادہ کیا گیا ہے۔
