آسٹریلین اوپن :جینک سنر اور کیرن خچانوف پری کوارٹر فائنل راؤنڈ میں پہنچ گئے

اطالوی ٹینس اسٹار جینک سنر اور روس کے کیرن خچانوف اپنی پیش قدمی کو برقرار رکھتے ہوئے آسٹریلین اوپن ٹینس ٹورنامنٹ مینز سنگلز مقابلوں کے پری کوارٹر فائنل راؤنڈ میں پہنچ گئے۔

آسٹریلیا کے شہرمیلبورن نے میں جاری 112 واں میگا ایونٹ میں آج کھیلے گئے مینز سنگلز مقابلوں کے تیسرے راؤنڈ میں اطالوی ٹینس اسٹار اور ایونٹ کے فورتھ سیڈڈ جینک سنر نے شاندار کارکردگی کا مظاہرہ کرتے ہوئے ارجنٹائن کے یباسٹین بیز کو اسٹریٹ سیٹس میں 0-6، 1-6 اور 3-6 سے شکست دیکر ٹورنامنٹ کے ٹاپ 16 راؤنڈ کے لئے کوالیفائی کرلیا۔

ایک اور میچ میں روس کے کیرن خچانوف نے مینز سنگلز تیسرے راؤنڈ میچ میں سخت مقابلے کے بعد جمہوریہ چیک کے تھامس ماہک کو شکست دے کر میگا ایونٹ کے ٹاپ 16 ویں راؤنڈ تک رسائی حاصل کی۔

کیرن خچانوف کی فتح کا سکور 4-6، 6-7(4-7)،6-4، 6-7(5-7) تھا، میگاایونٹ کے پری کوارٹر فائنل راؤنڈ میچ میں جینک سنر کا مقابلہ کیرن خچانوف سے ہوگا۔