اسرائیلی وزیراعظم نے رفح میں بڑے زمینی آپریشن کی منظوری دے دی

اسرائیلی وزیراعظم نیتن یاہو نے جنگ بندی کی تمام تجاویز مسترد کرتے ہوئے رفح میں بڑے زمینی آپریشن کی منظوری دے دی۔

نیتن یاہو نے بیان دیا ہے کہ حماس کے خلاف مکمل فتح ہی 5 ماہ سے جاری غزہ جنگ کا واحد حل ہے

زمینی آپریشن کے دوران تقریباً 15 لاکھ بے گھر فلسطینیوں انخلا کی کوشش بھی کریں گے، زمینی آپریشن کی منظوری کے بعد ان تمام فلسطینیوں کی زندگیوں کو خطرات لاحق ہوگئے۔

ادھراقوام متحدہ، جرمنی اور ہالینڈ نے اسرائیل کو رفح حملے کے خلاف خبردار کیا ہے۔

فلسطینی صدر نے بھی جنوبی غزہ کے شہر رفح میں فوجی آپریشن کے نتائج سے خبردار کیا اور امریکی انتظامیہ اور عالمی برادری سے فوری مداخلت کرنے کا مطالبہ کیا۔

واضح رہے کہ 7 اکتوبر سے غزہ پر اسرائیلی بربریت کے نتیجے میں 31 ہزار 490 فلسطینی ہلاک اور 73 ہزار سے زائد زخمی ہو چکے ہیں۔