افغانستان کے صوبے ہرات میں ایک ماہ کے دوران تیسرا خوفناک زلزلہ

افغانستان کے صوبے ہرات میں ایک بار پھر زلزلے کے جھٹکے محسوس کئے گئے ہیں۔

افغانستان کے صوبے ہرات میں 9 روز کے دوران تیسرا زلزلہ آیا ہے جس کی شدت 6.3 ریکارڈکی گئی ہے۔امریکی زلزلہ پیما مرکز کے مطابق زلزلے کا مرکز ہرات سے 30 کلومیٹر شمال مغرب میں تھا۔

افغان میڈیا کے مطابق حالیہ زلزلے کے نتیجے میں کسی جانی یا مالی نقصان کی اطلاع تاحال نہیں ملی ہے۔

افغانستان میں رواں ماہ پہلا زلزلہ 7 اکتوبر کو آیا تھا جس کے نتیجے میں 4 ہزار سے زائد افراد جاں بحق جبکہ سینکڑوں زخمی ہوئے تھے۔ اکتوبر کو رواں ماہ کے دوسرے زلزلے میں کم از کم 100 افراد کے زخمی ہونے کی اطلاعات آئی تھیں۔