افغان طالبان کے سپریم لیڈر ملا ہیبت اللہ اخوندزادہ سے جمعیت علمائے اسلام کے سربراہ مولانا فضل الرحمان کی ملاقات ہوئی ہے۔
ذارئع کے مطابق افغانستان میں موجود مولانا فضل الرحمان نے افغان طالبان کے سپریم لیڈر ملا ہیبت اللہ اخوندزادہ سے ملاقات کی ہے۔
افغان حکام نے طالبان امیر اور فضل الرحمان کی ملاقات کی تصدیق کی ہے تاہم افغانستان میں ملاقات کے مقام اور شرکاء سے متعلق نہیں بتایا۔
ملاقات کے حوالے سے مزید کوئی تفصیلات سامنے نہیں آسکی ہیں۔
دوسری جانب طلوع نیوز نے اپنے ذرائع سے تصدیق کی ہے کہ افغان سپریم لیڈر اور فضل الرحمان کے درمیان ون آن ون ملاقات ہوئی اور یہ ملاقات آج صبح قندھار میں ہوئی ہے۔
مولانا فضل الرحمان افغان حکومت کی دعوت پر وفد کے ہمراہ افغانستان کے دورے پر موجود ہیں جہاں ان کی افغان وزیراعظم، نائب وزیراعظم اور وزیر خارجہ سمیت دیگر حکام سے ملاقاتیں کیں۔
