امریکی ریاست نیواڈا کی لاس ویگاس کے ریجنل جسٹس سینٹر میں مجرم کی جانب سے کمرہ عدالت میں موجود بینچ پر سے چھلانگ لگا کر خاتون جج کو زخمی کرنے کی ویڈیو وائرل ہو رہی ہے۔
فوٹیج میں دیکھا جا سکتا ہے کہ سنگین کیس میں ملوث ایک مجرم کو سزا سنائی جا رہی تھی کہ اچانک اس نے بینچ پر سے چھلانگ لگا کر خاتون جج کو زخمی کر دیا، عدالتی عملے کے مطابق ملزم کو اسی وقت گرفتار کر لیا گیا اور اب اسے نئے سنگین الزامات کا سامنا ہے۔
خاتون جج پر حملے کے بعد بھی مجرم نے ڈھٹائی کا مظاہرہ کرتے ہوئے کہا ہے کہ مجھے معمولی بات پر قید کی سزا نہیں دینی چاہیے تھی اگر جج کیلئے مجھے جیل بھیجنا مناسب تھا تو پھر مجھے بھی وہی کرنا تھا جو میں نے کیا۔
“I sentence you to eat a meal without youtube” pic.twitter.com/DuhZFNFJ0h
— kira 👾 (@kirawontmiss) January 4, 2024
قبل ازیں سماعت کے آغاز پر پراسیکیوٹر نے خاتون جج کو بتایا تھا کہ مجرم ڈیوبرا ریڈن اہل خانہ پر تشدد کا مرتکب پایا گیا ہے جس پر جج نے کہا تھا کہ ڈومیسٹک وائیلنس ناقابل برداشت ہے۔
