58
امریکی ریاست الاباما میں ایک اور مجرم کو نائٹروجن گیس کے ذریعے سزائے موت دینے کا عمل شروع کردیا گیا ہے۔
الاباما کے اٹارنی جنرل نے ریاستی سپریم کورٹ سے ایلن یوجین ملر کو سزائے موت دینے کی تاریخ متعین کرنے کی استدعا کی ہے۔
ایلن ملر 2000 سے سزائے موت پر عمل کا انتظار کر رہا ہے۔ اس نے ایک ورک پلیس میں فائرنگ کرکے تین افراد کو ہلاک کردیا تھا۔
واضح رہے کہ اقوام متحدہ نے نائٹروجن گیس کے ذریعے سزائے موت دینے کے طریقے کو سفاکانہ قرار دیتے ہوئے اس پر پابندی کا مطالبہ کیا ہے۔
جنوری میں الاباما میں کینیتھ یوجین اسمتھ کو نائٹروجن گیس چیمبر کے ذریعے سزائے موت دی گئی تھی۔ اس کی موت کم و بیش 25 منٹ میں واقع ہوئی تھی۔ اسے اذیت پہنچنے کی اطلاعات پر مطالبہ کیا گیا تھا کہ اس طریقے سے سزائے موت دینا بند کیا جائے۔
