امریکا نے بھارت سے سکھ رہنما کے قتل کے معاملے میں شفاف تحقیقات کا مطالبہ کردیا۔
امریکی حکام کا کہنا ہے کہ ہم سکھ رہنما ہردیپ سنگھ کے قتل کی تحقیقات میں کینیڈا کے ساتھ ہیں، چاہتے ہیں کہ ان حملوں کے ذمہ داران کو قانون کے کٹہرے میں لایا جائے۔
ترجمان کے مطابق ہم کینیڈا کی جانب سے بھارت پر لگائے گئے الزامات کو سنجیدگی سے دیکھ رہے ہیں، ہمارا مطالبہ ہے کہ اس واقعے کے ذمہ داروں کو قرار واقعی سزا دی جائے۔
امریکہ نے کہا ہے کہ بھارت کو قاتلانہ حملوں کے ذمہ داروں کو جوابدہ ٹھہرانے کا کہا ہے، ہم چاہتے ہیں کہ قتل کے اس واقعے کی تحقیقات ہر ممکن حد تک قابل اعتبار اور شفاف ہو۔
یاد رہے کہ ہردیپ سنگھ نجر کے قتل اور گرپرونت پنوں کے ممکنہ قتل میں بھارتی ایجنسیوں کے ملوث ہونے کے ثبوت منظر عام پر آنے کے بعد کینیڈا نے بھی بھارتی حکام سے ہردیپ سنگھ کے قتل میں تحقیقات اور تعاون کا مطالبہ کیا تھا۔
کینیڈین وزیراعظم نے ہردیپ سنگھ کے قتل میں بھارتی ایجنسیوں کے ملوث ہونے کی تصدیق کی تھی۔
