امریکا نے ایران کی جانب سے حوثیوں کیلئے بھیجے گئے اسلحے کی بڑی کھیپ پکڑنے کا دعویٰ کیا ہے۔
امریکی سینٹرل کمانڈ نے ایک بیان میں کہا ہے کہ امریکی افواج نے ایران سے جدید روایتی ہتھیار اور مہلک جنگی امداد ضبط کر لی جو 28 جنوری کو بحیرہ عرب میں ایک بحری جہاز پر یمن کے حوثیوں کے زیرِ قبضہ علاقوں کیلئے بھیجی گئی تھی۔
CENTCOM Intercepts Iranian Weapons Shipment Intended for Houthis
TAMPA, Fla. – A U.S. Coast Guard cutter, forward deployed to the U.S. Central Command (CENTCOM) area of responsibility, seized advanced conventional weapons and other lethal aid originating in Iran and bound to… pic.twitter.com/inkw4ihq1I
— U.S. Central Command (@CENTCOM) February 15, 2024
اسلحے کی کھیپ میں درمیانی فاصلے تک مار کرنے والے بیلسٹک میزائل کے اجزاء، دھماکا خیز مواد، بغیر پائلٹ کے زیرِ زمین/سطحی گاڑی کے اجزاء، فوجی سطح کا مواصلاتی اور نیٹ ورک کا سامان، ٹینک شکن گائیڈڈ میزائل لانچر اسمبلیاں اور دیگر فوجی اجزاء پر مشتمل 200 سے زیادہ پیکجز جہاز سے برآمد ہوئے ہیں۔
امریکی سینٹ کام کے کمانڈر مائیکل ایرک کوریلا نے کہا ہے کہ حوثیوں کو ایران کی طرف سے جدید روایتی ہتھیاروں کی مسلسل فراہمی بین الاقوامی جہاز رانی کی حفاظت اور تجارت کی آزادانہ روانی کو نقصان پہنچا رہی ہے۔
