امریکی صدر ڈونلڈ ٹرمپ کی جانب سے اعلان کردہ اسٹیل اور ایلومینیئم کی درآمدات پر گلوبل ٹیرف نافذ ہوگیا دونوں دھاتوں کی امریکہ میں درآمد پر پچیس فیصد ٹیکس عائد ہوگا۔
نئے ٹیرف کے نفاذ کے ساتھ امریکہ کے کئی اتحادیوں کو ماضی میں ان ٹیرفس سے حاصل استثنٰی بھی ختم ہو گیا ہے۔
نافذ ہونے والے ٹیرف کا اطلاق ارجنٹائن، آسٹریلیا، برازیل، برطانیہ، کینیڈا، جاپان، میکسیکو، جنوبی کوریا اور یورپی یونین کی درآمدات پر ہوگا۔
رپورٹ کےمطابق خالص اسٹیل اورایلومینیئم سے بنی مصنوعات،جیسے نٹ بولڈ،سوڈا کین اور بلڈوزر بلیڈ پربھی ٹیرف نافذ ہوگا۔
اس فیصلے سےکینیڈا،برازیل،میکسیکو اورجنوبی کوریا سب سے زیادہ متاثر ہونگے۔
صدر ڈونلڈ ٹرمپ نے اپنے ایک بیان میں کہا تھا کہ اسٹیل کی درآمدات سے “بڑھتے بوجھ ” اور امریکہ کی سلامتی کے لیے اس کے ممکنہ خطرات سے بچاؤ کے لیے ٹیرف کا نفاذ ضروری ہے۔
ان کا کہنا تھا کہ وہ کینیڈا پر دباؤ بڑھا رہے تاکہ وہ غیر قانونی تارکینِ وطن اور بالخصوص فینٹینل سمیت منشیات کی اسمگلنگ روکنے کے لیے اقدامات بڑھائے۔
