امریکہ کے نو منتخب نائب صدر جے ڈی وینس کی اہیلیہ اوشا وینس کا تعلق انڈیا کی جنوبی ریاست آندھرا پردیش کے ایک گاؤں وڈلورو سے ہے۔
رپورٹ کے مطابق جے ڈی وینس کی اہیلیہ اوشا وینس کا تعلق انڈین تارکین وطن خاندان سے ہے جو انڈیا کی جنوبی ریاست آندھرا پردیش سے امریکہ منتقل ہوا تھا۔
38 سالہ اوشا وینس 1986 میں امریکہ کی ریاست کیلیفورنیا میں پیدا ہوئیں اور سان ڈیاگو میں پلی بڑھیں۔
آندھرا پردیش میں اُن کے آبائی گاؤں کے رہائشی دعاگو ہیں کہ تاریخی تعلقات ان کی سرزمین کے لیے بہتری لائیں گے۔
اوشا چیلوکوری وینس نے قانون میں ڈگری کے علاوہ ییل یونیورسٹی سے تاریخ میں بیچلرز کی ڈگری اور کیمبرج یونیورسٹی سے فلسفہ میں ماسٹرز ڈگری بھی حاصل کی ہے۔
انہوں نے امریکی سپریم کورٹ کے ججوں کے لیے بطور معاون کام کیا اور اپنے شوہر کی نائب صدر کے اُمیدوار کے طورپر نامزدگی سے قبل تک ایک کارپوریٹ وکیل کے طور پر کام کر رہی تھیں۔
