امریکا کی شمال مشرقی ریاست مین میں مسلح شخص کی فائرنگ سے کم از کم 18 افراد ہلاک اور درجنوں زخمی ہو گئے ۔
ملزم نے لیوسٹن شہر میں پہلے بولنگ کلب میں فائرنگ کی جس سے 10افراد موقع پر ہی ہلاک ہوگئے، بعد ازاں مسلح ملزم نے مقامی بار اور والمارٹ ڈسٹریبوشن سینٹر پر بھی فائرنگ کرکے وہاں موجود لوگو ں کو نشانہ بنایا۔
پولیس کے مطابق فائرنگ کے بعد ملزم فرار ہوگیا، شہریوں کو ہدایت کی گئی ہے کہ ملزم کی گرفتاری تک اپنے گھروں سے باہر نہ نکلیں۔
ادھرحکام کی جانب سے علاقے میں تمام کاروبار بند کرنے کی ہدایت دینے کے علاوہ ریاست کی اسپتالوں میں ایمرجنسی نافذ کردی گئی ہے۔
لیوسٹن پولیس ڈپارٹمنٹ نے اپنے فیس بک پیج پر مشتبہ شخص کی ایک تصویر جاری کی ہے جس کا نام رابرٹ کارڈ ہے۔انہوں نے لکھا کہ ’کارڈ کو مسلح اور خطرناک سمجھا جانا چاہیے۔‘
اس سے قبل پولیس نے دو تصاویر شیئر کی تھیں جن میں ایک داڑھی والے شخص نے لمبی آستین والی بھوری قمیض اور گہری جنگی پتلون پہن رکھی تھی ۔ اس کے کندھے پر رائفل لٹکی تھی۔ پولیس نے لاوارث سفید ایس یو وی کی تصویر جاری کرتے ہوئے عوام سے معاونت بھی طلب کی۔
From the Lewiston Maine Police Department:
"Law Enforcement is attempting to locate Robert Card 4/4/1983, as a person of interest regarding the mass shooting at Schemengees Bar and Sparetime Recreation this evening.
CARD should be considered armed and dangerous. Please contact… pic.twitter.com/5fEfzSMOyU
— philip lewis (@Phil_Lewis_) October 26, 2023
مین اسٹیٹ پولیس نے سوشل میڈیا پلیٹ فارم ایکس پر کہا، ’لیوسٹن میں ایک سرگرم حملہ آور موجود ہے۔ براہ مہربانی اپنے گھر کے اندر دروازے بند رکھیں۔ قانون نافذ کرنے والے ادارے متعدد مقامات پر تحقیقات کررہے ہیں۔‘
