امریکہ کی مختلف ریاستوں میں طوفان، ہلاکتیں 23 ہو گئیں

امریکہ کی مختلف ریاستوں میں طوفان سے ہلاک افراد کی تعداد 23 ہو گئی۔

طوفان کے سبب حادثات سے ریاست آرکنساس میں 8، کینٹکی میں 5، اوکلاہاما میں 2 افراد ہلاک ہوئے۔

ریاست ٹیکساس میں طوفان سےہلاک افراد کی تعداد 7 ہو گئی ہے جبکہ کولراڈو میں ایک شخص ہلاک ہوا ہے۔

مسی سپی اور آرکنساس سے ورجینیا اور جنوبی کیرولائنا تک لاکھوں افراد بجلی سے محروم ہیں۔

قومی محکمہ موسمیات نے کہا ہے کہ پیر کو امریکہ کے میموریل ڈے پر، جب یہ طوفان مشرق کی طرف بڑھے گا تو اس سے مزید تباہ کن تیز ہواؤں اور ژالہ باری، جب کہ مشرق وسطی بحرہ اوقیانوس کے علاقوں میں انفرادی طوفانوں کا خطرہ ہے۔

امریکی ریاست آرکنساس کے ایمرجینسی مینجمنٹ ڈویژن کی پبلک انفارمیشن آفیسر لیسی کنیپ نے پیر کو اے ایف پی کو بتایا کہ اختتام ہفتہ پورے شمال مغربی آرکنساس میں شدید موسم کی زد میں آ کر 8 افراد ہلاک ہوئے۔