ریاست آئیووا کے قصبے پیری میں ہائی اسکول میں ایک 17 سالہ حملہ آوور کی فائرنگ سے چھٹی جماعت کا ایک طالب علم ہلاک اور پانچ دیگر افراد زخمی ہو گئے۔
فائرنگ کا واقعہ کرسمس اور نیو ایئر کی چھٹیوں کے بعد اسکول کھلنے کے روز پیش آیا۔
قانون نافذ کرنے والے ایک اہل کار نے بتایا کہ مشتبہ شخص کی موت کے بارے میں تفتیش کاروں کا خیال ہے کہ وہ خود اپنی گولی سے لگنے والے زخم سے ہلاک ہوا ہے۔ انہوں نے کہا کہ زخمیوں میں سے کم از کم ایک اسکول کا منتظم ہے۔
ڈیلس کاؤنٹی کے شیرف ایڈم انفینٹے نے صحافیوں کو بتایا تھاکہ فائرنگ مقامی وقت کے مطابق صبح 7:30 بجے کے قریب ہوئی، اس وقت اسکول کی کلاسیں شروع نہیں ہوئی تھیں اور عمارت میں بہت کم طلباء اور اساتذہ موجود تھے۔
شیرف نے کہا کہ عہدے داروں نے شوٹر کی شناخت کر لی ہے، لیکن انہوں نےکسی کی گرفتاری سمیت مزید تفصیلات نہیں بتائی تھیں۔
