امریکی فوج کی شام میں داعش کے ٹھکانوں پر بمباری

امریکی مرکزی کمان نے بتایا کہ شام کے وسطی حصے میں داعش تنظیم کے ٹھکانوں پر درجنوں فضائی حملے کیے گئے ہیں۔

مرکزی کمان نے بتایا کہ دہشت گرد تنظیم کے 75 سے زیادہ اہداف کو نشانہ بنایا گیا جن میں اہم ترین اہداف تربیتی کیمپ تھے۔

بیان کے مطابق حملوں کا مقصد اس بات کو یقینی بنانا تھا کہ داعش تنظیم شام میں موجودہ صورت حال کا فائدہ نہ اٹھا سکے۔

مرکزی کمان نے بتایا کہ فضائی حملوں میں B-52 بم بار طیارے کے علاوہ F-16 اور A-10 لڑاکا طیاروں نے حصہ لیا۔

مرکزی کمان نے باور کرایا ہے کہ وہ بشار الاسد کی حکومت کے سقوط کے بعد داعش تنظیم کو شام کی موجودہ صورت حال سے فائدہ اٹھانے کی اجازت ہر گز نہیں دے گی۔