امریکا نے ایک مسلح ترک ڈرون کو مار گرایا جو شام میں ان کے فوجیوں کے قریب پرواز کررہا تھا۔
غیرملکی خبر رساں ادارے کے مطابق پینٹاگون کا کہنا ہے کہ امریکا نے پہلی بار نیٹو کے اتحادی ترکی کے طیارے کو مار گرایا ہے۔
پینٹاگون کے ترجمان بریگیڈیئر جنرل پیٹ رائیڈر نے بتایا کہ ترک ڈرونز کو جمعرات کی صبح شام کے شہر حسکہ میں امریکی فوجیوں سے تقریباً ایک کلومیٹر کے فاصلے پر فضائی حملے کرتے ہوئے دیکھا گیا تھا۔
🚨
US F-16 fighter jet shot down a Turkish Anka-S drone over Syria.
It's the first time ever that the U.S. shoots down a Turkish aircraft.
Will Turkey, a NATO member, invoke Article 5?
Is this the end of the NATO alliance? pic.twitter.com/IE0WHfCYmM
— HawkEye (@hawkkeyee_) October 5, 2023
انہوں نے کہا کہ چند گھنٹے بعد ترک ڈرون امریکی فوجیوں سے آدھے کلومیٹرسے بھی کم فاصلے پر آگیا تھا، جسے خطرہ سمجھ کرF-16 لڑاکا طیارے نے مار گرایا۔
حسکہ شمال مشرقی شام میں ہے اور بنیادی طور پر کرد پیپلز پروٹیکشن یونٹس ہے، جو داعش کے خلاف امریکی اتحاد اہم کا سربراہ ہے۔
رد عمل میں ترک وزارت دفاع کے ایک اہلکار نے بتایا کہ مار گرائے جانے والے ڈرون کا تعلق ترک مسلح افواج کا نہیں تھا، لیکن انہوں نے یہ نہیں بتایا کہ وہ کس کی ملکیت ہے
