امریکا کا کہنا ہے کہ امریکی نیوی نے حوثیوں کی جانب سے اسرائیلی جہاز پر قبضے کی کوشش ناکام بنا دی ہے۔
امریکی حکام نے دعویٰ کیا کہ حوثی ایک اسرائیلی جہاز پر قبضہ کرنا چاہتے تھے لیکن امریکی نیوی نے ان کی اس کوشش کو ناکام بنا دیا ہے۔
حکام کا کہنا ہے کہ یمن سے داغے گئے دو بیلسٹک میزائل بحری جہاز سے دور سمندر میں گر گئے ہیں اور کوئی نقصان نہیں ہوا۔
یاد رہے کہ اسرائیل اور فلسطینی مزاحمتی تحریک حماس کے درمیان 7 اکتوبر سے شروع ہونے والی لڑائی کے دوران یمن کے حوثی باغیوں کی جانب سے متعدد بار اسرائیلی جہازوں کو نشانہ بنانے کی کوشش کی گئی ہے۔
خیال رہے کہ چند روز قبل حوثیوں نے ایک اسرائیلی جہاز پر قبضے کا دعویٰ بھی کیا تھا تاہم اسرائیلی وزیر اعظم نیتن یاہو کے آفس کی جانب سے دعوے کی تردید کردی گئی تھی۔