انسٹاگرام ریلز میں ایک اور فیچر شامل

تصاویر اور ویڈیو شیئرنگ سوشل پلیٹ فارم انسٹاگرام نے صارفین کے لیے ایک اور نیا فیچر پیش کردیا ہے۔

انسٹا صارفین اب اپنی ریلز میں متعدد آڈیو ٹریکس شامل کر سکتے ہیں۔

کمپنی نے منگل کو اس نئے فیچر کا اعلان کرتے ہوئے کہا کہ صارفین ایک سنگل ریل میں اب 20 تک ٹریکس شامل کر سکتے ہیں۔

اپنی ویڈیو میں نئے ٹریک کو شامل کرنے کے لیے ریل ایڈیٹر میں صارفین کو ‘ایڈ ٹو مکس’ کے آپشن پر کلک کرنا پڑے گا۔

ایک مرتبہ ٹریکس ایڈ کرنے کے بعد صارف کے پاس یہ اختیار ہو گا کہ وہ صرف وہی حصہ کاٹ کر شامل کرے جو وہ چاہتا ہے۔

انسٹاگرام کے مطابق کمبائنڈ ٹریک کو اسی کری ایٹر سے منسوب کر دیا جائے گا تاکہ ان کے فینز اس یونیک مکس کو دوبارہ استعمال کرسکیں۔

‘انسٹا گرام’ نے اپنی ایک پوسٹ میں کہا کہ ریلز میں ملٹی ٹریک آڈیو کی لانچنگ کری ایٹرز کی تخلیقی صلاحیتوں کو بڑھاتی ہے تاکہ وہ اپنی تخلیقی صلاحیتوں کا اظہار اس انداز میں کر سکیں جو ان کے اور ان کی آڈینس کے لیے موزوں ہو۔