بھارتی مصنفہ اور خواتین کے حقوق کی سرگرم کارکن بانو مشتاق نے “انٹرنیشنل بکر پرائز” اپنے افسانوی مجموعے “ہارٹ لیمپ” (چراغ قلب) پر جیت لیا۔
یہ کتاب جنوبی بھارت کی مسلم خواتین کی روزمرہ زندگی، خاندانی دباؤ اور سماجی کشمکش کو اجاگر کرتی ہے۔
یہ پہلا موقع ہے کہ کسی “کنڑ” زبان میں لکھی گئی کتاب کو عالمی سطح پر اتنی باوقار ادبی شناخت حاصل ہوئی ہے۔
انعام کی رقم پچاس ہزار پاؤنڈ (یعنی 59 ہزار یورو سے زائد) ہے جو مصنفہ اور مترجمہ دیپا بھا ستی کے درمیان تقسیم کی جائے گی۔
بھارت میں کنڑ زبان تقریباً 65 ملین لوگ بولتے ہیں، بنیادی طور پر یہ جنوبی بھارت کی ریاست کرناٹک کی سرکاری زبان ہے۔
مجموعے میں شامل کہانیاں 1990ء سے 2023ء کے درمیان لکھی گئیں اور کئی بار بھارت میں قدامت پسند حلقوں کی تنقید اور سنسرشپ کا نشانہ بنیں، جس کے باعث یہ بڑی ملکی ادبی تقریبات سے بھی باہر رہی۔
