امریکا کی مشہور ریاست کیلیفورنیا کے انڈین ویلز ٹینس گارڈن میں جاری اے ٹی پی ایونٹ میں سنسنی خیز مقابلے جاری ہیں۔
اسپین کے نامور ٹینس اسٹار اور ایونٹ کے سیکنڈ سیڈڈ کارلوس الکاراز، جرمنی کے ٹینس کھلاڑی الیگزینڈرزویروف ، اطالوی ٹینس سٹار جینک سنراور یونان کے ٹینس کھلاڑی سٹیفانوس اے ٹی پی انڈین ویلز اوپن ٹینس ٹورنامنٹ کے مردوں کے سنگلز مقابلوں کے پری کوارٹر فائنل راؤنڈ میں پہنچ گئے۔
پیر کو کھیلے گئے مردوں کے سنگلز مقابلوں کے تیسرے راؤنڈ میں اسپین کے کارلوس الکاراز نے عمدہ کھیل پیش کرتے ہوئے کینیڈین کھلاڑی فیلکس اوجر کو اسٹریٹ سیٹس میں 2-6 اور 3-6 سے شکست دے کر ایونٹ کے ٹاپ 16 راؤنڈ کے لئے کوالیفائی کرلیا۔
جرمنی کے الیگزینڈرزویروف نے نیدرلینڈ کے ٹیلون گریکسپور کو 6-7(7-9) اور 3-6 سے مات دے کر تیسری رکاوٹ عبور کرلی۔
اطالوی ٹینس اسٹار جینک سنر نے عمدہ کارکردگی کا مظاہرہ کرتے ہوئے جرمن حریف جان لینارڈ سٹرف کو اسٹریٹ سیٹس میں 3-6 اور 4-6 سے ہرا کر پری کوارٹر فائنل کے لئے کوالیفائی کرلیا۔
ایک اور میچ میں یونان کے سٹیفانوس نے امریکی حریف کو اسٹریٹ سیٹس میں 3-6 اور 3-6 سے ہرا کر ٹاپ 16 راؤنڈ کے لئے کوالیفائی کرلیا۔
روسی کھلاڑی آندرے روبلوف ،امریکا کے فرانسس ٹیافو،قازقستان کے الیگزینڈر ببلک تیسرے راؤنڈ میں شکست کے بعد ایونٹ سے باہر گئے۔
