ایران اور حماس کے نمائندوں کی ماسکو میں ملاقات

روس کی سرکاری خبر رساں ایجنسی تاس کا کہنا ہے کہ ایران کے نائب وزیر خارجہ برائے سیاسی امور علی باقری کنی نے ماسکو میں حماس کے نمائندے سے ملاقات کی ہے،

ملاقات میں غزہ میں جنگ بندی اور انسانی ہمدردی کی بنیاد پر دی جانے والی امداد کی فراہمی پر تبادلہ خیال کیا گیا ہے۔

حماس کے سیاسی بیورو کے ڈپٹی چیئرمین ابو مرزوق نے ایران کی جانب سے فلسطینی عوام کی حمایت کو سراہا۔

اس ملاقات سے پہلے ابو مزروق نے ماسکو میں روسی سفارت کاروں سے ملاقات کی۔روس کی وزارت خارجہ نے کہا ہے کہ دونوں عہدے داروں نے غزہ کی پٹی میں رکھے گئے یرغمالوں کی رہائی اور غیر ملکیوں کے انخلا پر بات چیت کی۔

روس کے صدر ولادی میر پوٹن نے اس ماہ کے شروع میں کہا تھا کہ ماسکو اسرائیل اور فلسطینیوں کے درمیان ثالث کا کردار ادا کر سکتا ہے کیونکہ اس کے دونوں کے ساتھ دوستانہ تعلقات ہیں۔