3
ایران کی عدالتی خبر رساں ایجنسی میزان نے رپورٹ کیا ہے کہ اسرائیل کے لیے جاسوسی کے الزام میں ایک شخص کو پھانسی دے دی گئی۔
رپورٹ کے مطابق اس شخص کی شناخت پدرام مدنی کے طور پر کی گئی ہے۔
’میزان‘ کے مطابق پدرام مدنی کو 2020 میں گرفتار کیا گیا تھا۔
پدرام پر الزام تھا کہ انہوں نے ایران کے اہم مقامات سے متعلق خفیہ معلومات اسرائیل تک پہنچانے کی کوشش کی۔ ان پر غیر قانونی ذرائع سے دولت اکٹھی کرنے کا بھی الزام تھا۔
اسرائیل کے ساتھ کئی دہائیوں سے جاری خفیہ جنگ کے دوران ایران نے متعدد افراد کو پھانسی دی ہے جن پر اسرائیلی خفیہ ایجنسی موساد سے تعلقات اور ملک کے اندر اس کے آپریشنز میں مدد فراہم کرنے کے الزامات عائد کیے گئے۔
ان کارروائیوں میں ایران کے جوہری پروگرام کو کمزور کرنے کی غرض سے قتل اور تخریب کاری جیسے اقدامات شامل ہیں۔
گذشتہ ماہ ایک اور ایرانی شہری محسن لنگر نشین کو موساد کے ساتھ جاسوسی اور انٹیلی جنس تعاون کے الزامات پر پھانسی دی گئی تھی۔
