ایران کا خلیج عمان میں ایک بحری جہاز سے دور مار کرنے والے میزائل کا تجربہ

ایران نے پہلی بار جنگی جہاز سے طویل فاصلے تک مار کرنے والے بیلسٹک میزائلوں کاکامیاب تجربے کا دعوی کیا ہے۔

ایرانی ٹیلی ویژن نے آپریشن کی تصاویر نشر کرتے ہوئے بتایا کہ پاسداران انقلاب کے جہاز نے “پہلی بار بیلسٹک میزائل داغے”۔

پاسداران انقلاب کے کمانڈر حسین سلامی نے کہا کہ “ایک طویل فاصلے تک مار کرنے والے بیلسٹک میزائل کو ایک جہاز سے کامیابی کے ساتھ داغا گیا”۔

انہوں نے مزید کہا کہ”ہمارے بحری جہاز سمندروں میں کہیں بھی ہو سکتے ہیں۔ ایسی قوتوں کے لیے کوئی محفوظ جگہ نہیں ہے جو ہماری سلامتی کو خطرہ بنانا چاہتی ہیں”۔

ایرانی ٹیلی ویژن نے وضاحت کی کہ شہید مہدوی کے جہاز سے داغے گئے دو میزائل “کم از کم 1,700 کلومیٹر کی رینج رکھتے تھے اور وسطی ایران میں ایک صحرائی مقام پر گرے۔

یہ آزمائشی بیلسٹک فائرنگ خلیج عمان کے علاقے سے کی گئی ہے۔