ایران کی سپریم کونسل نے سابق صدر حسن روحانی کو مارچ میں ہونے والے ایلیٹ اسمبلی کے انتخابات میں حصہ لینے سے روک دیا ہے۔
روحانی نے اپنے ایک بیان میں گارڈین کونسل کے فیصلے پر تنقید کرتے ہوئے اسے سیاسی طور پر متعصبانہ قرار دیا ہے، ان کا کہنا ہے کہ یہ فیصلہ اس نظام پر قوم کے اعتماد کو مجروح کرے گا۔
گارڈین کونسل نے سابق صدر اور تین بار رکن اسمبلی رہنے والے حسن روحانی کی نااہلی کی کوئی وجہ نہیں بتائی۔
گارڈین کونسل نے یکم مارچ کو ہونے والے پارلیمانی انتخابات میں حصہ لینے والے دیگر سینکڑوں امیدواروں کو بھی نااہل قرار دیا ہے۔
سپریم لیڈر آیت اللہ علی خامنہ ای کی عمر اس وقت 84 سال ہے، اس لیے توقع کی جاتی ہے کہ نئی اسمبلی ان کے جانشین کے چناؤ میں اہم کردار ادا کرے گی کیونکہ اس 88 رکنی اسمبلی کا انتخاب ہر 8 سال کے بعد کیا جاتا ہے۔
ان انتخابات میں تقریباً 12 ہزار امیدوار میدان میں اتریں گے۔
