غزہ پر اسرائیل کی بمباری جاری ہے
المغازی کیمپ پر تازہ بمباری میں 55 فلسطینی ہلاک وئے جب کہ ایک ہی روز میں اسرائیل کے 250 حملوں میں 300 افراد مارےگئے۔
رپورٹس میں بتایا گیا کہ سات اکتوبر سے اب تک مرنے والے فلسطینیوں کی تعداد 18 ہزار ہوگئی جب کہ 50 ہزار سے زائد فلسطینی زخمی بھی ہوئے۔
اسرائیلی وزیراعظم نیتن یاہو نے دعویٰ کیا کہ حماس کے خاتمے کی شروعات ہوچکی، حماس کے درجنوں جنگجوؤں نے اسرائیلی فوج کے سامنے ہتھیار ڈال دیے ہیں۔
حماس نے بینجمن نیتن یاہو کے دعوے کو مسترد کرتے ہوئے کہا کہ ابھی جنگ جاری ہے، اسرائیلی قیدیوں کو فوجی طاقت کے ذریعے رہا نہیں کرایا جا سکتا، گلیوں میں گھمسان کی لڑائی جاری ہے جس میں اڑتالیس گھنٹے کئے دوران 40 اسرائیلی فوجیوں کو ہلاک کردیا جب کہ غزہ میں حماس کی کارروائیوں میں 450 اسرائیلی فوجی مارے جا چکے۔
دوسری جانب روسی صدر ولادمیر پیٹون اور اسرائیلی وزیراعظم کے درمیان ٹیلی فون پر رابطہ جس میں غزہ کی صورتحال پر تبادلہ خیال کیا گیا۔
ولادیمیر پیوٹن نے غزہ میں شہری آبادی کو نشانہ بنانے کی مذمت کرتے ہوئے تنازع کم کرنے کے لیے مدد کی پیشکش کردی۔