39
حوثیوں کے زیر کنٹرول یمنی علاقے سے زمین پرمار کرنے والا کروز میزائل داغا گیا جس نے ایک موٹربوٹ کو نشانہ بنایا ہے۔جہاز کے عملے کے تمام ارکان محفوظ ہیں
عرب میڈیا کے مطابق یہ حملہ آبنائے باب المندب سے تقریباً 60 ناٹیکل میل شمال میں ہوا۔
برٹش میری ٹائم ٹریڈ آفس نے ایک بیان میں کہا کہ حکام بحیرہ احمر میں ہونے والے حملے کی تحقیقات کر رہے ہیں۔
حوثی گروپ نے ہفتے کے روز اعلان کیا تھا کہ وہ کسی بھی قومیت کے اسرائیل جانے والے تمام بحری جہازوں کو گزرنے سے روک دے گا ، اس نے غزہ میں جاری جنگ روکنے، غزہ کے محصورین کو طبی امداد اور خوراک فراہم کرنے کا مطالبہ کیا تھا۔
حوثیوں کا کہنا تھا کہ غزہ کو امداد فراہم نہ کی گئی تو بحیرہ احمر میں اسرائیل کی طرف جانے والے تمام بحری جہازاس کا جائز ہدف ہوں گے۔
