ترکیہ کے شہر استنبول میں ایک بلی کے قاتل کی رہائی کے خلاف احتجاج شدت اختیار کر گیا جس پر ترک صدر کو معاملے میں مداخلت کرنی پڑی اور عدالت کو مجرم کے خلاف دوبارہ مقدمہ چلا کر اسے سزا سنانی پڑی۔
ابراہیم کو فروری کے اوائل میں بلے کو قتل کرنے کے جرم کی پاداش میں 18 ماہ قید کی سزا سنائی گئی تھی لیکن پھر اچھے برتاؤ کی وجہ سے رہا کر دیا گیا تھا
جانوروں کی فلاح و بہبود کی تنظیموں اور ترکیہ میں عوام نے غم و غصے کا اظہار کرتے ہوئے 3لاکھ 20ہزار لوگوں نے ایک آن لائن پٹیشن پر دستخط کیے جس میں بلی کی موت کے ذمے دار شخص کو سخت سزا دینے کا مطالبہ کیا گیا تھا۔
وزارت انصاف نے بتایا کہ صدر رجب طیب اردگان اس معاملے میں ذاتی دلچسپی لے رہے ہیں لہٰذا اب ابراہیم کے خلاف دوبارہ مقدمہ چلایا جائے گا۔
ابراہیم کے خلاف بدھ کو عدالت میں دوبارہ مقدمہ چلایا گیا
عدالت نے فیصلہ سناتے ہوئے مجرم کی سزا میں ایک سال کا اضافہ کردیا
یکم جنوری کو ابراہیم نے ایروس نامی بلی کو لاتیں مار مار کر ہلاک کردیا تھا اور ان کی اس حرکت کو سیکیورٹی کیمرے نے قید کر لیا تھا۔
