جنوبی امریکی ملک بولیویا کی شاہراہ پر 2 مسافر بسوں کے درمیان تصادم کے نتیجے میں 2 بچوں سمیت کم از کم 37 افراد ہلاک اور 30 کے قریب زخمی ہو گئے۔
رپورٹ کے مطابق محکمہ پولیس کے کرنل ولسن فلورس نے بتایا کہ یویونی شہر کے قریب ہونے والے حادثے میں اب تک 37 افراد کی ہلاکت کی تصدیق ہو چکی ہے۔
یہ حادثہ ملک میں رواں سال اب تک کا سب سے سنگین حادثہ ہے، جو ایک تنگ دو طرفہ سڑک پر پیش آیا۔
ان بسوں میں سے ایک اورورو شہر کی طرف جا رہی تھی، جو لاطینی امریکہ کے سب سے بڑے تہواروں میں سے ایک اورورو کارنیوال کا منظر ہے، جو ہزاروں لوگوں کو اپنی طرف متوجہ کرتا ہے۔
ابھی تک یہ واضح نہیں ہے کہ حادثے کی وجہ کیا تھی۔
پولیس کا کہنا ہے کہ ان میں سے ایک بس مخالف لین میں پھسل گئی تھی، حکام نے یہ بھی بتایا کہ حادثے میں زندہ بچ جانے والے ڈرائیوروں میں سے ایک پر نشہ کرکے گاڑی چلانے کا شک ہوا، اس لیے اس کے خون کا ٹیسٹ کیا گیا۔
