بھارت کے دارالحکومت دہلی کے وزیر اعلیٰ اروند کیجریوال نے جیل سے ہی الیکشن لڑنے کا فیصلہ کرلیا۔
نئی دہلی کے وزیر اعلیٰ اور آئندہ انتخابات میں وزیر اعظم نریندر مودی کے خلاف مقابلہ کرنے کے لیے بنائے گئے اپوزیشن اتحاد کے ایک اہم رہنما ہیں جنہیں 21 مارچ کو طویل عرصے سے جاری بدعنوانی کی تحقیقات کے سلسلے میں گرفتار کر لیا گیا تھا۔
نئی دہلی کے وزیر تعلیم آتشی مارلینا سنگھ نے کہا کہ ’قانونی اور آئینی دفعات‘ انہیں سلاخوں کے پیچھے رہتے ہوئے اپنے عہدے پر رہنے کی اجازت دیتی ہیں۔
انہوں نے کہا ’یہ بات واضح ہے کہ اروند کیجریوال دہلی کے وزیر اعلیٰ رہیں گے، اگر وہ بغیر کسی مقدمے یا سزا کےمستعفی ہو جاتے ہیں، تو اس سے اپوزیشن کے دیگر وزرائے اعلیٰ کو ہٹانے کا راستہ کھل جائے گا۔
بھارت کی فوکل مالیاتی تحقیقاتی ایجنسی انفورسمنٹ ڈائریکٹوریٹ دیگر 4 ریاستوں کے وزرائے اعلیٰ یا ان کے خاندان کے افراد کے خلاف بھی تحقیقات شروع کردی ہیں۔
تمام تحقیقات میں مودی کی حکمران جماعت بھارتیا جنتا پارٹی کے سیاسی مخالفین شامل ہیں۔
19 اپریل سے شروع ہونے والے 6 ہفتے طویل پارلیمانی انتخابات میں تقریباً ایک ارب بھارتی شہری نئی حکومت کے انتخاب کے لیے ووٹ ڈالیں گے۔
