بھارت میں آتش بازی کا سامان بنانے والی فیکٹری میں دھماکہ، 11 افراد ہلاک، 80 زخمی

وسطی بھارتی ریاست مدھیہ پردیش کے ضلع ہردا میں آتش بازی کا سامان بنانے والی فیکٹری میں ہونے والے دھماکے کے نتیجے میں 11 افراد ہلاک جبکہ 80 زخمی ہوگئے۔

دھماکے کی شدت سے اردگرد کی دیگر دس عمارتوں کو بھی نقصان پہنچا، زخمیوں کو نکالنے کیلئے فوجی ہیلی کاپٹر استعمال کئے گئے۔

فیکٹری میں 200 سے 300 افراد کام کرتے تھے، یہ واضح نہیں ہے کہ دھماکے کے وقت کتنے افراد فیکٹری کے اندر موجود تھے۔