70
بھارت میں پارلیمان کی سیکیورٹی کے معاملے پر احتجاج کرے والے اپوزیشن کے 92 ارکان کی رکنیت معطل کردی گئی ہے
لوک سبھا اور راجیہ سبھا میں پارلیمان کی سیکیورٹی میں خامی کے معاملے پر احتجاج کرنے والے مزید 78 ارکان کو ایوان سے معطل کر دیا گیا ہے۔
گزشتہ ہفتے بھی احتجاج کرنےپر 14 ارکان کو معطل کیا گیا تھا۔ اس طرح معطل شدہ ارکانِ پارلیمان کی تعداد 92 تک پہنچ گئی۔
لوک سبھا کے 30 ارکان کو اجلاس کی بقیہ مدت کے لیے اور تین کو ان کے رویے پر’استحقاق یا پریولیج کمیٹی‘ کی رپورٹ آنے تک معطل کیا گیا ہے۔ جب کہ راجیہ سبھا کے 35 ارکان کو بقیہ مدت کے لیے اور 11 کو رپورٹ آنے تک معطل کیا گیا ہے۔
یاد رہے کہ 13 دسمبر کو چار افراد احتجاج کرتے ہوئے بھارتی ایوان کے اندر داخل ہو گئے تھے۔
