بھارت کی ریاست منی پور میں مسلح گروپ کی فائرنگ، 3 افراد ہلاک، 11 زخمی

بھارتی ریاست منی پور کے ضلع تھوبال کے علاقے لیلونگ میں ایک مسلح گروپ کی فائرنگ کے نتیجے میں 3 افراد ہلاک اور 11 زخمی ہو گئے ہیں۔

ریاست کے سینئر پولیس افسر نے بتایا کہ فسادات کی وجہ سے تھوبال سمیت قریبی 4 اضلاع امفال ایسٹ، امفال ویسٹ، کاکچنگ اور بشنوپور میں غیرمعینہ مدت کیلئے کرفیو نافذ کر دیا۔

واضح رہے کہ منی پور 32 لاکھ آبادی پر مشتمل بھارت کی چھوٹی ریاستوں میں سے ایک ہے، جس کی سرحد میانمار سے ملتی ہے، مئی 2023ء میں مقامی میتی اور کوکی برادری کے درمیان نسلی فسادات شروع ہوئے تھے جہاں اب تک ان فسادات میں 180 سے زائد ہلاکتیں ہوئی ہیں۔