پاکستان کےصوبے بلوچستان کے شہر تربت میں گزشتہ جمعرات کو محکمہ انسداد دہشت گردی (سی ٹی ڈی) کے مقابلے میں نوجوان کی ہلاکت کے واقعے کا نوٹس نگران حکومت نے لے لیا۔
حکومت نے واقعے کی تحقیقات کےلیے ٹریبونل آف انکوائری تشکیل دے دی جس کا نوٹیفکیشن بھی جاری کردیا گیا۔ ٹریبونل آف انکوائری سیکرٹری فشریز عمران گچکی کی سربراہی میں تشکیل دی گئی جس میں ڈی آئی جی پولیس کوئٹہ، ڈی سی کیچ، ایس ایس پی گوادر شامل ہیں۔
فیکٹ فائنڈنگ کمیٹی پندرہ دنوں میں اپنی رپورٹ پیش کرے گی۔
مبینہ پولیس مقابلے میں ہلاک نوجوان بالاچ مولابخش کی تدفین 7 روز بعد مقامی قبرستان میں کی گئی۔
خیال رہے کہ گزشتہ جمعرات کو تربت میں سی ٹی ڈی کے مبینہ مقابلے میں چار افراد ہلاک ہوئے تھے، مبینہ مقابلے میں ہلاک ایک شخص کی شناخت بالاچ مولابخش کےنام سے ہوئی تھی جس کے ورثا نے میت رکھ کر دھرنا دے رکھا ہے۔
