ترکش ایئر لائن کا کیپٹن دوران پرواز طیارے میں ہی دم توڑ گیا
ترکش ایئر لائن اسئٹل سے استنبول جارہی تھی کہ اس دوران 59 سالہ پائلٹ ایلسیہن بے ہوش ہوگئے۔
ایئرلائن کے ترجمان نے ایکس پر بتایا کہ ’طبی امداد دینے کے باوجود طیارے کے پائلٹ کو ہوش نہیں آیا جس کے بعد کو پائلٹ نے کیپٹن کے فرائض انجام دیئے اور نیویارک میں ہنگامی لینڈنگ کی۔
آنجہانی پائلٹ 2007 سے ترکش ایئر لائنز کے ساتھ منسلک تھا۔
ترجمان کے مطابق اس نے 8 مارچ کو مکمل طبی معائنہ کروایا تھا جس میں کوئی مسئلہ نہیں پایا گیا۔
ایئرلائن کے ترجمان نے کہا کہ مسافروں کے لیے نیویارک سے ان کی منزل تک پہنچنے کے انتظامات کیے جا رہے ہیں۔
پائلٹ کی موت کی وجہ معلوم نہیں ہو سکی۔ عام طور پرپائلٹس کو ہر12 ماہ بعد طبی معائنہ کرانا پڑتا ہے جب کہ 40 سال سے زیادہ عمر کے افراد کو ہر چھ ماہ بعد اپنے میڈیکل سرٹیفکیٹ کی تجدید کرانی ہوتی ہے۔
