ترک وزیر خارجہ کا شام کا دورہ، محمد الشرع سے ملاقات

ترک وزیر خارجہ حقان فیدان نے شام کے نئے رہنما احمد الشرع المعروف ابو محمد الجولانی سے دمشق میں ملاقات کی ہے۔

حقان فیدان نے التحریر الشام کے سربراہ احمد الشرع کے ساتھ شام کی تازہ صورت حال، سرحدی امور اور دو طرفہ تعلقات کے موضوعات پر تفصیلی بات چیت ہوئی ہے۔

ترک وزیر دفاع نے کہا تھا کہ ترکیہ کو یقین ہے کہ شام کی نئی قیادت جس میں ترک حمایت یافتہ گروہ بھی شامل ہے، کرد جنگجوؤں کو شمال مشرقی شام کے ان تمام علاقوں سے نکال دے گی جن پر انہوں نے قبضہ کر رکھا ہے۔

ترک وزیر خارجہ نے ملاقات کے بعد مشترکہ پریس کانفرنس میں شام سے جلد از جلد عالمی پابندیاں ہٹانے کا مطالبہ کیا۔

فیدان نے کہا کہ بین الاقوامی برادری کو شام کی مدد کے لیے ہر ممکن کوشش کریں تاکہ شام دوبارہ اپنے پیروں پر کھڑا ہو سکے اور اس کے شہری بیرون ملک سے واپس لوٹ سکیں۔