بنگلہ دیش کے سابق کپتان تمیم اقبال کو ڈھاکا پریمیئر ڈویژن کرکٹ میچ کے دوران دل کا دورہ پڑ گیا۔
یہ واقعہ محمڈن اسپورٹنگ کلب اور شائن پوکر کرکٹ کلب کے درمیان 50 اوور کے مقابلے میں اس وقت پیش آیا، جب 36 سالہ تمیم اقبال کو اپنے سینے میں درد محسوس ہوا۔
میچ ریفری دیبابراتا پال نے بتایا کہ ابتدائی طور پر تمیم اقبال کی اسپتال منتقلی کے لیے ایک ہیلی کاپٹر کا انتظام کیا گیا تھا، لیکن انہیں ساور کے بی کے ایس پی گراؤنڈ سے اڑایا نہیں جا سکا، بعد ازاں تمیم اقبال کو فضیلۃ النساء اسپتال لے جایا گیا۔
ڈاکٹروں نے بیان جاری کرتے ہوئے کہا کہ وہ تشویش ناک حالت میں ہمارے پاس واپس آئے، ہم نے ان کی انجیوگرام اور انجیو پلاسٹی کی۔
تمیم اقبال نے رواں برس جنوری میں دوسری بار انٹرنیشنل کرکٹ سے ریٹائرمنٹ کا اعلان کیا تھا۔
بنگلہ دیش کے سابق کپتان تمیم اقبال نے آخری بار 2023 میں ٹیم کی نمائندگی کی تھی، انہوں نے بنگلہ دیش کے لیے 70 ٹیسٹ میچز میں 5 ہزار 134 رنز اور 243 ون ڈے انٹرنیشنل میں 8 ہزار 357 رنز بنائے، جبکہ نے 78 ٹی 20 انٹرنیشنل میں بھی ایک ہزار 758 رنز اسکور کیے۔
