تھائی لینڈ میں گذشتہ دو بغاوتوں میں ملوث سابق آرمی چیف اور سابق نائب وزیرِ اعظم 79 سالہ پراویت وونگ سوون نے خاتون رپورٹر کو تھپڑ جڑدیا
فوٹیج دکھایا گیا کہ وزیرِ اعظم کے لئے ہونے والی ووٹنگ میں شرکت نہ کرنے والے پراویت سے ان کے خیالات پوچھے گئے جس کے جواب میں رپورٹر کو مارنے سے پہلے انہوں نے کہا، “آپ کیا پوچھ رہی ہیں؟ کیا پوچھ رہی ہیں؟”
پالنگ پرچارت پارٹی کے ترجمان نے کہا ہے کہ پراویت رپورٹر کو جانتے ہیں اور انہوں نے اُس سے معافی بھی مانگ لی ہے۔
ترجمان نے کہا وہ ایک قریبی شخص کی حیثیت سے رپوٹر کو مذاقاً چھیڑ رہے تھے۔ چونکہ وہ ایک فوجی رہ چکے ہیں تو چھیڑ چھاڑ پرتشدد لگ سکتی تھی لیکن ان کے قریبی لوگ جانتے ہیں کہ وہ ہر وقت اس طرح چھیڑتے ہیں۔”
تھائی لینڈ کی میڈیا کمیونٹی نے اس واقعے کی وسیع پیمانے پر مذمت کی۔ تھائی پی بی ایس نے پراویت سے کہا ہے کہ وہ اپنے اعمال کی ذمہ داری قبول کریں۔
ایک سینیٹر نے سابق آرمی چیف کے بارے میں پارلیمانی تحقیقات کی درخواست کی جنہوں نے ایک ٹیلی ویژن رپورٹر کے سوال پوچھنے پر اسے سر پر مارا تھا۔
سینیٹر تیواریت مانیچائی نے کہا، “یہ سلوک جسمانی طور پر ہراساںی ہے۔” انہوں نے بتایا کہ انہوں نے پراویت کے خلاف اخلاقی تحقیقات کی درخواست کی ہے۔
انہوں نے مزید کہا کہ “یہ ایک صحافی کی بھی بے عزتی ہے جو اپنا کام کر رہی تھیں۔”
