جاپانی فوج میں نوجوان فوجیوں کی کمی کے باعث وزارت دفاع نے انوکھی ہدایات جاری کردی ہیں۔
جاپان کی فوج میں اب نئے بھرتی ہونے والے فوجیوں کو لمبے بال رکھنے کی اجازت دے دی گئی ہے تاکہ زیادہ سے زیادہ نوجوان ملٹری میں شمولیت حاصل کرسکیں۔
اس اعلان سے قبل بھرتی ہونے والے مرد فوجیوں کو بَز کٹس (buzz cuts) ہیراسٹائل کی اجازت تھی جبکہ خواتین کو اپنے بال چھوٹے رکھنے ہوتے تھے۔
تاہم اپریل سے ان قوانین میں نرمی کی جائے گی، جس سے فوجیوں کو لمبے بال رکھنے کی اجازت ہوگی۔
نئے قوانین کے تحت مرد فوجیوں کو لمبے بال رکھنے کی اجازت ہوگی، یعنی فوجی سر کے اوپر کے بال لمبے اور کان اور گردن کے بال چھوٹے رکھ سکتے ہیں جسے انگریزی میں ’short back and sides‘ ہیر کٹ کہتے ہیں۔
خواتین فوجیوں کو بھی اب لمبے بال رکھنے کی اجازت ہوگی، لیکن انہیں بولوں کو اس طرح سے باندھنا ہوگا کہ یونیفارم میں ہوتے ہوئے یہ کندھوں پر نہ گریں۔
قوانین میں نرمی کا مقصد جاپان کی سیلف ڈیفنس فورسز کے لیے فوجیوں کی تعداد میں اضافہ کرنا تھا۔
