جعلی فنگر پرنٹس‘ پر سعودی عرب میں داخلے کی کوشش، طائف ایئرپورٹ پر غیرملکی گرفتار

سعودی عرب میں طائف ایئرپورٹ پر حکام نے غیر قانونی طور پر مملکت میں داخلے کی کوشش کرنے والے ایک غیرملکی مسافر کو گرفتار کرلیا ہے۔

سعودی پاسپورٹ حکام نے بتایا کہ پاکستانی مسافر نے مبینہ طور پر فنگر پرنٹس کو مسخ کیا تھا۔ اس کا پاسپورٹ ضبط کرلیا گیاہے۔

ابتدائی قانونی کارروائی مکمل کیے جانے کے بعد ملزم کو متعلقہ حکام کے حوالے کردیا گیا۔

یاد رہے کہ سعودی عرب کے متعلقہ حکام نے حال ہی میں ایئرپوٹس، بندرگاہوں اور بری سرحدی چیک پوسٹو ں کے راستے غیر قانونی طریقے سے مملکت آنے کی کوشش کرنے والے متعدد مسافروں کو گرفتار کیا ہے۔