جنسی زیادتی اور قتل کے مجرم عمر بھر جیل میں رہیں گے، شاہ چارلس

برطانیہ کے شاہ چارلس سوم نے کہا ہے کہ پولیس کو مزید اختیارات دینے کے حوالے سے21 مجوزہ قوانین منظوری کیلئے پارلیمنٹ میں پیش ہوں گے۔

شاہ چارلس نے کہا مجوزہ قانون کے تحت جنسی زیادتی اور قتل کے مجرم عمر بھر جیل میں رہیں گے۔

انہوں نے یہ بات پارلیمنٹ کے نئے پارلیمانی سال کے سلسلے میں منعقدہ اجلاس سے پہلے خطاب کے موقع پر کہی۔

شاہ چارلس نے کہا کہ عصمت دری اور دیگر جنسی جرائم میں ملوث افراد کو جیل کی سزا میں رعایت نہیں ملے گی۔ پولیس مسروقہ اشیا برآمدگی کیلئے بغیر وارنٹ کسی بھی پراپرٹی میں داخل ہوسکے گی۔

شاہ چارلس نے کہا کہ مجرم کو اپنی سزا سننے کیلئے عدالت کے کٹہرے میں لازمی آنا ہوگا۔ قیدی جیل میں رہ کر شادی نہیں کرسکیں گے۔

شاہ چارلس نے مزید کہا کہ لیز ہولڈر لیز خرید سکیں گے، بےجا اخراجات پر اعتراض کرسکیں گے۔

انہوں نے کہا کہ 14 سال سے کم عمر بچوں کو سگریٹ خریدنے کی اجازت نہ ہونا یقینی بنایا جائے گا۔ حکومت اسموک فری نیشن کیلئے کوششیں کرے گی۔

شاہ چارلس نے کہا کہ حکومت غیرقانی طور پر برطانیہ آنے والوں کا راستہ روکے گی۔