اٹلی کے نامور ٹینس سٹار اور ایونٹ کے سیکنڈ سیڈڈ جینک سنر نے اے ٹی پی میامی اوپن ٹینس ٹورنامنٹ جیت لیا۔
22 سالہ اطالوی ٹینس اسٹار نے مردوں کے سنگلز مقابلوں کے فائنل میچ میں بلغاریہ کے گریگور دیمتروف کو شکست دے کر رواں سالہ کا تیسرا اے ٹی پی ٹائٹل اپنے نام کیا۔
جینک سنر نے انتہائی شاندار کھیل پیش کرتے ہوئے گریگور دیمتروف کو اسٹریٹ سیٹس میں 3-6 اور 1-6سے شکست دے کر ٹورنامنٹ جیتا۔
22 سالہ آسٹریلین اوپن چیمپئن جینک سنر اس سے قبل امریکا میں کھیلے گئے 2021 اور 2023 کے میامی اوپن ٹینس ٹورنامنٹ میں رنر اپ رہے تھے، میلبورن اور روٹرڈیم میں اس کی کامیابیوں کے بعد یہ اطالوی ٹینس سٹار کا 2024 تیسرا اے ٹی پی ٹائٹل ہے جو انہوں نے اپنے نام کیا۔
اس کامیابی کے بعد جینک سنر کی مردوں کے سنگلز مقابلوں کی عالمی درجہ بندی میں بھی ترقی ہوئی ہے اور وہ ایک درجہ ترقی پاکر تیسرے سے دوسرے نمبرپر پہنچ گئے ہیں جبکہ ہسپانوی ٹینس سٹار کارلوس الکاراز ایک درجہ تنزلی کے بعد دوسرے سے تیسرے نمبر پر چلے گئے ہیں۔
