ترک سفارتی ذرائع کے مطابق حماس کے قطر میں مقیم سربراہ اسماعیل ہنیہ نے ترک وزیر خارجہ سے ترکیہ میں ملاقات کی ہے۔ تین ماہ سے زائد عرصے میں ان کا یہ پہلا باضابطہ رابطہ تھا۔
ہفتہ 20 جنوری کو حماس کے قطر میں مقیم سربراہ اسماعیل ہنیہ نے ترک وزیر خارجہ ہاکان فیدان سے ملاقات ترکیہ میں ناملعوم مقام پر کی۔
ذرائع نے بتایا کہ ہنیہ اور فیدان کی اس ملاقات کے دوران ” غزہ میں انسانی امداد میں اضافے اور مستقل امن کے لیے دو ریاستی حل‘‘ پر بھی بات کی گئی۔
واضح رہے کہ گزشتہ سال سات اکتوبر کو اسرائیل میں عسکریت پسند گروپ حماس کے حملوں کے نتیجے میں تقریباً 1ہزار 140 افراد ہلاک ہوئے تھے۔
حملوں کے جواب میں حماس کو تباہ کرنے کا عزم کرتے ہوئے اسرائیلی فوج کی طرف سے جاری وسیع فوجی آپریشن، مسلسل بمباری اور زمینی کارروائی کے نتیجے میں حماس کے زیر انتظام غزہ میں کم از کم 25ہزار سے زائد افراد ہلاک ہو چکے ہیں، جن میں زیادہ تر خواتین اور بچوں کی ہے۔
اسرائیل کا کہنا ہے کہ غزہ میں لگ بھگ 132 یرغمالی اب بھی حماس کے قبضے میں ہیں۔ اسرائیلی اعداد وشمار میں دعویٰ کیا گیا ہے کہ ان 132 یرغمالیوں میں سے کم از کم 27 کے بارے میں خیال کیا جاتا ہے کہ وہ مارے گئے ہیں۔
