انڈیا کے معروف صنعت کار رتن ٹاٹا بدھ کو ممبئی کے ایک ہسپتال میں چلے بسے ۔
ٹاٹا سنز کے چیئرمین این چندراسیکارن نے بدھ کو رتن ٹاٹا کی موت کی تصدیق کی۔
رتن ٹاتا کو بدھ کی صبح نازک حالت میں ممبئی کے اسپتال میں داخل کیا گیا تھا۔
ایک بیان میں این چندراسیکارن کا کہنا تھا کہ ’ہم انتھائی دکھ کے ساتھ مسٹر رتن نیول ٹاٹا کو الوداع کہتے ہیں، جو کہ ایک غیرمعمولی رہنما تھے جن کی خدمات نے نہ صرف ٹاٹا گروپ بلکہ ہماری قوم کی بنیادیوں کو استوار کرنے میں اہم کردار ادا کیا۔‘
رتن ٹاٹا 1991 میں گاڑیوں اور اسٹیل کی صنعت سے منسلک ٹاٹا گروپ کے چیئرمین بنے اور 2012 تک گروپ اس عہدے پر فائز رہے۔
رتن ٹاٹا نے ٹاٹا گروپ کے کاروبار کو نہ صرف وسعت دی بلکہ دنیا کی ’سستی ترین‘ گاڑی متعارف کرانے کا اعزاز بھی گروپ کو دلایا۔
2012 رتن ٹاٹا گروپ کے چیئرمین کے عہدے سے سبکدوش ہوئے جس کے بعد ٹاٹا سنز، ٹاٹا انڈسٹریز، ٹاٹا موٹرز، ٹاٹااسٹیل اور ٹاٹا کیمیکلز کا چیئرمین ایمیریٹس بنایا گیا تھا۔
