برطانیہ میں سفید فام شخص کا دو پاکستانیوں پر کلہاڑیوں سے حملہ

برطانیہ میں آکسفورڈ سے تعلق رکھنے والے سفید فام شخص نے دو پاکستانیوں پر کلہاڑیوں سے حملہ کردیا۔

غیر ملکی میڈیارپورٹس کے مطابق آکسفورڈ سے تعلق رکھنے والے سفید فام شخص کے حملے میں ایک پاکستانی شدید زخمی ہوگیا۔جس کو بروقت کارروائی کرتے ہوئے گرفتار کر لیا گیا ہے۔

پولیس کے مطابق آکسفورڈ کے ایک شخص کو پولیس کی جانب سے کلہاڑی کے حملے کی اطلاعات پر فوری کارروائی کرتے ہوئے گرفتار کر لیا گیا ہے۔

حکام کے مطابق آج دوپہر تقریباً 2.40 بجے میگڈلین روڈ پرایک شخص نے دو غیر ملکی افراد پر حملہ کردیا، آکسفورڈ سے تعلق رکھنے والے ایک 54 سالہ شخص کو ایک دوسرے شخص کو شدید جسمانی نقصان پہنچانے کے شبے میں گرفتار کیا گیا ہے۔