روس نے یوکرین کے دارالحکومت کیف پر میزائل اور ڈرون حملہ کر دیا۔
روسی افواج نے بڑے پیمانے پر میزائل اور ڈرونز کے زریعے کیف سمیت یوکرین کے بہت سے شہروں کو نشانہ بنایا
یوکرین کے حکام کا کہنا ہے کہ شمال مغربی شہر لوٹسک میں ایک اپارٹمنٹ بلاک کو نقصان پہنچا ہے جبکہ مختلف علاقوں میں بجلی کی سپلائی بھی متاثر ہوئی
وسطی کیف میں آج صبح دھماکوں کی آوازیں سنائی دیں، جس کے بعد یوکرین کی فوج نے کیف اور اس سے ملحقہ علاقوں میں مزید فضائی حملوں کا الرٹ جاری کر دیا۔
یوکرین کے حکام نے روس کی جانب سے متعدد فضائی حملوں کی تصدیق کرتے ہوئے کہا ہے کہ روس کے پاس فضا میں سٹریٹجک بمبار طیارے (TU-9511) موجود ہیں، روس مزید بڑے فضائی حملے کرسکتا ہے۔
مقامی حکام کاکہنا ہے کہ اور فی الحال ممکنہ ہلاکتوں کی تصدیق کا عمل جاری ہے۔
دوسری جانب پولینڈ کی مسلح افواج نے سماجی رابطے کی ویب سائٹ ایکس پر پیغام جاری کیا ہے کہ اگر روس یوکرین کی مغربی سرحد جو پولینڈ سے ملحقہ ہے، کے قریبی علاقوں کو نشانہ بناتا ہے تو وہ خاموش نہیں بیٹھے گا بلکہ پولش اور اتحادی طیاروں سے روس پر حملہ کر دے گا۔
