رومانیہ میں اتوار کو ہونے والے حتمی صدارتی انتخاب میں یورپ نواز امیدوار نے اپنی فتح کا اعلان کیا ہے۔
الیکشن کمیشن حکام کا کہنا ہے کہ 99 فیصد ووٹوں کی گنتی کے بعد بخارسٹ کے میئر نِکُوسور ڈین 53.83 فیصد کے ساتھ آگے ہیں جبکہ ان کے حریف جارج سیمیون 46.17 فیصد کے ساتھ دوسرے نمبر پر ہیں۔
مقامی ذرائع ابلاغ کے مطابق ڈین نے حتمی انتخاب جیت لیا ہے۔
ڈین نے اپنے حامیوں سے کہا کہ یہ اُن کی جیت ہے۔ انہوں نے کہا کہ رومانیہ کل ایک نئے باب کا آغاز کرے گا اور لوگوں پر زور دیا کہ وہ اپنی سیاسی وابستگی سے قطع نظر مل کر تعمیرِ وطن کریں۔
جارج سیمیون انتہائی دائیں بازو کی جماعت الائنس فار دی یونین آف رومانینز کے سربراہ ہیں۔ انہوں نے 4 مئی کو منعقدہ صدارتی انتخاب کے پہلے مرحلے میں سب سے زیادہ ووٹ حاصل کیے تھے۔
ممکنہ روسی مداخلت کی وجہ سے گزشتہ انتخاب کے نتائج کی منسوخی کے تقریباً چھ ماہ بعد دوبارہ انتخاب منعقد کیا گیا ہے۔
سیمیون نے ابتدا میں انتخابی نتائج مسترد کردیے تھے تاہم بعد میں شکست قبول کر تے ہوئے کامیاب امیدوار نکوسرڈین کو مبارکباد دی۔
