سابق امریکی صدرنے ہیلی پر زبانی حملے تیز کرتے ہوئے ایک بار پھر ان کے ہندوستانی نژاد ہونے پر تنقید کی۔
امریکا کے سابق صدر ڈونلڈ ٹرمپ نیو ہیمپشائر میں ایک ریلی کے دوران اتنے کنفیوز ہوئے کہ اپنی حریف نکی ہیلی کو ڈیموکریٹک رہنما نینسی پیلوسی کہہ بیٹھے۔
ٹرمپ کے دورمیں اقوام متحدہ میں امریکی سفیرکے طورپرخدمات انجام دینے والی ہیلی نے گذشتہ پیر کو آئیووا میں پرائمری انتخابات جیتنے کے بعد اپنے سابق باس کے حملے کا جواب دیا۔
نکی ہیلی نے اس کنفیوژن پر شدید ردِعمل ظاہر کرتے ہوئے کہا ہے کہ سابق امریکی صدر کے دماغ کا معائنہ کرایا جانا چاہیے۔ کسی ایسے شخص کو صدارتی امیدوار نہیں بنایا جاسکتا ہو جس کا ذہن اس کے قابو میں نہ ہو۔
اب انہوں نے کہا ہے کہ ڈونلڈ ٹرمپ بہت بوڑھے ہیں اور وہ ذہنی طور پر صدارت کے عہدے کے لیے فٹ نہیں۔
نکی ہیلی نے نیو ہیمپشائر میں ایک میٹنگ میں بات کرتے ہوئے کہا کہ گزشتہ رات ڈونلڈ ٹرمپ نے ایک ریلی میں کئی بار میرا ذکر کیا کہ میں نے 6 جنوری کو کیپیٹل ہل فسادات کے دوران بہتر طریقے سے سیکیورٹی معاملات کو کیوں نہیں سنبھالا۔
نکی ہیلی نے کہا کہ میں 6 جنوری کو واشنگٹن میں نہیں تھی اور نہ ہی میں اس دن میں دفتر میں تھی۔
سابق خاتون گورنر نے کہا کہ کیا ہم واقعی دو 80 سال کی عمر کے افراد کو صدر کا الیکشن لڑتے دیکھنا چاہتے ہیں ایسے میں جب ملک میں بدامنی ہو اور دنیا میں آگ لگی ہوئی ہو۔
